.png)
Maestroja i mesfushës si futbollist, Ksavi Hernandez, kampion me Spanjën dhe Barcelonën, tani trajneri Al-Sad në Katar, ka folur për më të mirët në botë, siç bën me dije “Tyc Sports”. Ai ka përzgjedhur lojtarin më të mirë të momentit në çdo rol, si dhe trajnerin më të mirë në botë.
Si ish-mesfushor, spanjolli e ka nisur me mesfushën, duke surprizuar pak me zgjedhjen. “Kevin De Bryjne i Mançester Sitit është një lojtar i një niveli tjetër. Besoj se është mesfushori më i mirë në botë dhe është edhe i ri në moshë. Mbrojtës? Virxhil Van Dijk është vërtet një futbollist me kapacitet uk prej lidershipi, i fortë fizikisht dhe me një nivel të mirë teknik.
Në sulm do të zgjidhja Kilian Mbape, i cili ka aftësi të jashtëzakonshme fizike, teknikisht është shumë i zoti dhe është shumë i ri. Ai është njeriu ideal për të bërë diferencën. Si trajner duhet të them se është Guardiola, i ka dhënë diçka ndryshe sportit tonë, është shumë i zoti për atë që u transmeton futbollistëve. Rivali më i fortë? Real Madrid, natyrisht. Reali ka qenë rivali më i fortë në karrierën time. Gjithmonë rival i Barcelonës, por ka historinë e tij dhe genin e tij fitues”, – ka thënë Ksavi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje