.png)
Në “Elbasan Arena” do të jepet sot trofeu i parë sezonal, Superkupa e Shqipërisë. Ndeshja mes Tiranës dhe Teutës do të luhet në orën 20:00, sigurisht pa tifozë. Në fakt, asnjë nga këto dy skuadra nuk është e përqendruar te Superkupa, por te shorti i Ligës së Europës.
Trofeu i Superkupës nuk sjell asnjë përfitim financiar, ka thjesht dhe vetëm vlera morale, por morali te të dyja skuadrat është i lartë në këtë moment, pas paraqitjes shumë të mirë në Kupat e Europës. Megjithatë, kur zbret në fushë, çdo futbollist dëshiron të fitojë dhe sot parashikohet një ndeshje totalisht e hapur në Elbasan. Ndoshta do të jetë një shans i mirë edhe për futbollistët e stolit, sepse trajnerët do të përpiqen t’i ruajnë titullarët nga ndonjë dëmtim i mundshëm.
Tirana dhe Teuta kanë një organikë të pasur dhe edhe pse në lojë është një trofe, ndonjë eksperiment në këtë finale është i lejueshëm. Tirana shihet si favorite në letër, por edhe Teuta nuk është aspak për t’u nënvlerësuar. Me atë që tregoi në Ligën e Europës ndaj Beitar Jerusalemit, kjo skuadër mund t’i përballojë kampionët e Shqipërisë. Për t’u theksuar është fakti se Teuta e mundi Tiranën në finalen e Kupës së Shqipërisë, 2-0.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje