.png)
Kundërshtarë gjermanë, spanjollë dhe izraelitë për tri skuadrat shqiptare në turin e dytë eliminator të Ligës së Europës. Një short shumë i vështirë. Në “Air Albania Stadium” vjen ekipi i madh gjerman i Volfsburgut, që do të ndeshet me Kukësin. Një kundërshtar shumë i fortë për skuadrën e Gegës, që merr pjesë rregullisht në Kupat e Europës, madje edhe në Champions, por që mund të sjellë të ardhura në arkën e klubit verilindor. Ishte kundështari më i fortë i mundshëm.
Teuta do të ndeshet me Granadën, një nga skuadrat surprizë të kampionatit spanjoll. Edhe Teuta do të luajë në fushën e saj ndeshjen, në stadiumin “Niko Dovana”. Edhe në këtë tur kualifikimi do të vendoset nga një ndeshje teke, ku Teuta, por edhe Kukësi e Laçi kanë shanse minimale për të shkuar më tej.
Laçi pret izraelitët e Hapoel Ber Shevës, edhe ky një kundërshtar shumë i fortë. Ndeshjet zhvillohen në datën 17 shtator. Në Ligën e Europës merr pjesë edhe Tirana, por në turin e tretë të saj.
Kundërshtarët e mundshëm të Kukësit ishin:
Grupi 10
Volfsburg (Gjermani)
Hajduk Split (Kroaci)
HSK Zrinjski (Bosnjë-Hercegovinë)
Kundërshtarët e mundshëm të Laçit ishin:
Grupi 7
Totenhem Hotspur (Angli)
Hapoel Ber Sheva (Izrael)
Kolos Kovalivka (Ukrainë)
Kundërshtarët e mundshëm të Teutës ishin:
Grupi 4
Granada (Spanjë)
Apollon Limasol (Qipro)
Steaua Bukuresht (Rumani)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje