.png)
Milani mbetet mjaft aktiv në merkato. Pas firmës me mesfushorin Sandro Tonali dhe sulmuesin Brahim Diaz, klubi kuqezi synon të forcojë edhe mbrojtjen dhe ka hedhur sytë nga futbollisti i Kombëtares së Shqipërisë, Marash Kumbulla. Kumbulla është kërkuar deri tani nga Lacio dhe Interi, por edhe disa klube të tjera jashtë Italisë.
“Gazzetta dello Sport” shkruan se Milani po e sheh me përparësi pistën e Kumbullës, duke e konsideruar atë si Tonalin e mbrojtjes. Po ashtu, drejtuesit e Milanit janë në garë edhe për serbin Milenkoviç të Fiorentinës. Kumbulla shihet si alternativa më e mirë për të zëvendësuar Kjaerin dhe Romanjolin, por gjithçka varet nga oferta financiare, por presidenti i Veronës nuk dëshiron ta lëshojë kaq lehtë mbrojtësin shqiptar.
Futbollisti 20-vjeçar pritet të ndërrojë skuadër shumë shpejt, pasi Verona ka afruar tre mbrojtës në merkaton e verës. Futja në lojë e Milanit e bën edhe më interesante garën për të dhe shanset janë reale që Kumbulla të veshë fanellën kuqezi edhe në rang klubesh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje