.png)
Plot tre vjet më parë, kur në Kuvend u votua për Ilir Metën President, bashkëshortja e tij, Monika Kryemadhi, u zotua se nuk do të ishte zonja e parë e vendit.
Ajo do të vijonte të ushtronte detyrën e deputetes dhe angazhimeve të tjera politike në LSI.
Edhe kur u bë betimi në Presidencë, ishte vajza e madhe Bora që e shoqëroi të atin, (Ilir Metën).
As në foton familjare të Presidentit, Monika Kryemadhi nuk u përfshi.
Ajo qëndroi në vendin e kryetarëve të partive, gjatë gjithë ceremonisë së betimit
Si kryetare e LSI-së, Monika Kryemadhi nuk i ngjiti asnjëherë shkallët e Presidencës deri të premten në mesditë.
Edhe në daljen e saj për mediat, pas takimit me Metën, Kryemadhi sqaroi se arsyeja se pse ajo ishte në Presidencë lidhej me një ngjarje të rëndësishme, zgjedhjet e ardhshme, dhe se për përfaqësimin e saj në takim e kishte vendosur kryesia e LSI-së.
Takimi mes Kryemadhit ( e shoqëruar nga Endrit Braimllari) dhe Presidentit Ilir Meta zgjati shumë pak. Më shumë një takim simbolik që Presidenca nuk e përcolli as më video (si me Bashën dhe Ramën), por vetëm me një foto.
Sepse ajo çka kish rëndësi më shumë për Kryemadhin ishte deklarata e saj jashtë dyerve të Presidencës:
“Sa më shpejt zgjedhjet, aq më mirë për të gjithë.
Na duhet përmbysje e një sistemi të kalbur dhe një sistem i ri…”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje