.png)
Policia Rrugore lajmëron se vazhdon që të jetë i lartë ende numri i automjeteve që lëvizin nga qytetet bregdetare në drejtim të Tiranës dhe të pikës kufitare në Morinës.
Policia Rrugore shprehet se në 24 orët e fundit janë pezulluar 46 leje drejtimi, 18 drejtues mjetesh janë arrestuar dhe janë marrë 1237 masa administrative, pasi shoferët nuk kanë respektuar rregullat e qarkullimit rrugor.
Po ashtu, policia thotë se gjatë 24 orëve të fundit dhe deri në këto momente kanë vijuar dhe vijojnë kontrollet me radar e drager dhe me patrullime në të gjitha akset rrugore, për evidentimin dhe ndëshkimin e shkelësve të kodit rrugor, me qëllim parandalimin e aksidenteve rrugore.
“Si rezultat i kontrolleve me radar janë konstatuar dhe iu është pezulluar leja e drejtimit 34 drejtuesve të mjeteve që drejtonin mjetet me shpejtësi tej normave të lejuara, që varionin nga 40 deri në 80 km/h mbi normën e lejuar”, vijon më tej policia.
Nga kontrollet me drager në të gjithë vendin janë pezulluar 12 leje drejtimi, për drejtim mjeti nën efektin e alkoolit.
Ndërkohë janë bllokuar 13 automjete, pasi rezultoi se drejtuesit e tyre kishin të pashlyera më shumë se 5 deri në 10 masa administrative.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje