.png)
Policia e Vlorës ka arrestuar dy persona pas një operacioni policor të zhvilluar në Llakatund të Vlorës.
Policia thotë se ka gjetur 2 armë kallashnikovë dhe disa fidanë kanabisi të cilat janë asgjesuar.
Autorët kishin kultivuar fidanët e kanabisit në pronë të tyre, si dhe iu kapën edhe 2 kallashnikovët.
Në pranga janë vënë shtetasit:
H. T., 40 vjeç dhe A. B., 50 vjeç, të dy me banim në fshatin Llakatund, Vlorë.
“Si rezultat i këtij operacioni, Policia ka evidentuar dhe asgjësuar fidanë të dyshuar cannabis sativa, të cilat ishin kultivuar në pronën e këtyre shtetasve, në fshatin Llakatund.
Po gjatë operacionit, shërbimet e Policisë gjetën dhe sekuestruan edhe 2 armë zjarri kallashnikov me municion luftarak, të cilat dyshohet se i posedonin këta shtetas”, thuhet në njoftimin e policisë.
Materialet procedurale i kaluan Prokurorisë së Vlorës, për veprime të mëtejshme hetimore
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje