.png)
Kilian Mbape dëshiron të largohet nga PSG-ja në fund të sezonit 2020/2021. Prapaskena është zbuluar nga shtypi anglez, që u referohet burimeve konfidenciale pranë klubit francez. Sipas “Times”, sulmuesi ia ka bërë të qartë klubit qëndrimin e tij për të mos rinovuar.
Kontrata e Mbape me klubin e PSG-së skadon në vitin 2022, por ai është në kërkim të një klubi tjetër, me të cilin do të bashkohet gjatë verës së ardhshme. Kandidati i parë për blerjen e kampionit të botës është Reali i Madridit, që prej kohësh po ndjek situatën e sulmuesit më të mirë të momentit në nivel botëror. Por nuk duhet nënvlerësuar Liverpuli, trajneri Jurgen Klop është një admirues i madh i Mbape.
Sulmuesi dëshiron një klub më të madh se PSG-ja për të fituar trofe të rëndësishëm. Sezonin e fundit ai shkon deri në finalen e Ligës së Kampionëve me PSG-në, por u mund në finale nga Bajern Mynih. Një kalim i mundshëm i tij te Reali mund t’i sillte futbollistit 21-vjeçar trofe si në planin ekipor, ashtu edhe atë individual.
Për momentin nuk ka asgjë zyrtare dhe lojtari ka edhe një sezon të tërë përpara, por ajo që duket gjithmonë e më e sigurt është dëshira e Mbape për ta kaluar në një kampionat më të rëndësishëm. Ai u transferua nga në vitin 2017 nga Monako te PSG për shifrën e 145 milionë eurove, plus 35 milionë bonuse. Kostoja e kartonit të tij mbetet sigurisht një nga pengesat kryesore për klubet që e duan. Por, duke mbetur edhe një vit kontratë, çmimi do të ulej.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje