.png)
Pa kaluar ende një muaj nga kthimi i nxënësve dhe studetëve në klasat e mësimit, qyteti i Nju Jorkut planifikon mbylljen e shkollave në lagjet kryesore të qytetit për shkak të rritjes së rasteve të reja.
Kryebashkiaku Bill de Blasio i ka kërkuar sot zyrtarisht leje shtetit amerikan të Nju Jorkut për të mbyllur shkollat dhe për të rivendosur kufizimet mbi bizneset jo-thelbësore në disa lagje për shkak të përkeqësimit të epidemisë.
Veprimi, nëse miratohet, do të shënonte një hap të madh pas për SHBA-në pas daljes nga karantina. Nju Jorku së fundmi festoi kthimin e studentëve në të gjithë qytetin për të mësuar personalisht në klasa.
“Mbyllja e bizneseve dhe shkollave do të ndodhë duke filluar të mërkurën në nëntë kodet postare në qytet”, tha de Blasio të dielën.
“Rreth 300 shkolla publike dhe 200 shkolla private do të duhet të mbyllen. Ngrënia në ambiente të mbyllura, e cila sapo rinisi disa ditë më parë, do të pezullohej. Darkat në restorante do të ndalohen dhe gjithashtu dhe palestrat do të mbyllen në të gjithë qytetin. Objektet fetare do të lejohen të qëndrojnë të hapura me kufizimet ekzistuese në vend”, tha de Blasio.
Ai tha se po ndërmerrte aksionin në një përpjekje për të ndaluar përhapjen e virusit në qytet dhe të shmangte një “valë të dytë”, që vrau më shumë se 24,000 banorë të Nju Jorkut në pranverë.
“Ajo që kemi mësuar vazhdimisht nga kjo sëmundje është që të veprojmë në mënyrë agresive dhe të dhënat tani na tregojnë se është koha për vendime edhe më të ashpra dhe më rigoroze”, tha de Blasio.
Gjatë dy javëve të fundit, numri i rasteve të reja është rritur në lagjet më të ngjeshura të qytetit, kryesisht në lagjet në Brooklyn dhe Queens. Pothuajse 1100 njerëz kanë rezultuar pozitivë në Brooklyn vetëm në katër ditët e fundit.
“Rreth 500,000 njerëz jetojnë në lagjet që mendohet të hyjnë në karantinë”, tha de Blasio. Ai tha se bllokimi mund të hiqet për 14 ditë ose 28 ditë nëse bie përqindja e njerëzve që testojnë pozitivisht për Covid-19.
Koronavirusi u vlerësua të ketë prekur deri në 2 milion njerëz në Nju Jork, kryesisht në pranverë para se testimi të ishte gjerësisht i disponueshëm. Mijëra njerëz sëmureshin çdo ditë. Deri në fund të verës, qyteti e vuri pjesërisht në kontroll virusin, me se 240 raste të reja në ditë në të gjithë qytetin.
Por shtatori shënoi një rritje të rasteve të reja. Nëntë lagjet e veçuara nga kryetari i bashkisë kanë qenë përgjegjës për më shumë se 20% të të gjitha rasteve të reja në qytet gjatë katër javëve të fundit, megjithëse ato përfaqësojnë vetëm 7% të popullsisë.
Presidenti i Federatës së Bashkuar të Mësuesve Michael Mulgrew vlerësoi vendimin për mbylljen e shkollave. “Ky është vendimi i duhur që ndihmon në mbrojtjen e shkollave tona, lagjet tona dhe në fund të fundit të qytetit tonë,” tha Mulgrew. / Burimi: New York Times.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje