.png)
Kryetari i Partisë Demokratike, Lulzim Basha, zhvilloi disa takime me bizneset e taksive në qytetin e Tiranës.
Sipas tij,” vetëm në qytetin e Tiranës më shumë se 2000 taksistë paguajnë çmimin më të lartë të karburantit në kontinent, tarifa të larta të liçensimit dhe kosto të rritura nga burokracitë e panevojshme”.
Për këtë arsye, Basha premtoi përgjysmimin e taksës së qarkullimit.
“Ky përgjysmim i taksës, – tha Basha – do të ulë kostot për të gjithë sektorët e ekonomisë”.
“Më shumë para në xhepat e sipërmarrësve dhe qytetarëve do të thotë konkurrencë më e madhe për shërbime më cilësore dhe ekonomi më të madhe.
Problemet kryesore mund të përmblidhen në çmimin e lartë të karburantit për shkak të taksave të larta, konkurrencën e pandershme dhe monopolin në sektorin e taksive. Regjimi ka bllokuar me monopolet e oborrit të tij edhe këtë segment të biznesit të vogël dhe vetëpunësimit”, tha ai.
Më tej, Basha prezantoi planin e PD-së për rimëkëmbjen me 5 pika për këtë gjashtëmujor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje