.png)
Një episod gjatë ndeshjes Mançester Siti-Arsenal, ku skuadra e Guardiolës fitoi 1-0, ka ngjallur shumë polemika në Angli. Nuk bëhet fjalë për një episod që vendosi fatin e ndeshjes, por për një gjest të sulmuesit argjentinas të “qetetarëve”, Serxhio Aguero.
Në minutën e 42-të, Sian Massey-Ellis, asistentja femër e arbitrit, sinjalizoi një rivënie anësore në favor të Arsenalit. Aguero e kontestoi vendimin e saj dhe vendosi krahun e majtë në shpatullat e asistentes. Edhe pse është e ndaluar të preket arbitri me rregullore, sulmuesi nuk u ndëshkua as me karton të verdhë dhe as të kuq.
Menjëherë në rrjetet sociale kanë shpërthyer polemikat, ku pjesa më e madhe dënon gjestin e Agueros. “E papranueshme!”, “Gjest i shëmtuar dhe intimidues!” – ishin qëndrimet kryesore të tifozëve në rrjetet sociale. Mbetet për t’u parë, nëse Federata Angleze do të marrë ndonjë vendim për këtë rast, apo argjentinasi do t’ia hedhë paq.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje