.png)
Pasi ka marrë “për dore” Milanin dhe po e kthen drejt piedestalit të Serisë A, Zllatan Ibrahimoviç është gati të bëjë të njëjtën gjë edhe me Suedinë. Sulmuesi veteran nuk e vesh fanellën e kombëtares suedeze që prej Europianit 2016, por tani, duke parë paraqitjen me Milanin, ai i ka dërguar një mesazh Federatës Suedeze të Futbollit.
“Prej sa kohësh nuk shihemi”, – shkruan suedezi në Tuiter, ku poston edhe një foto me fanellën e Suedisë. Nuk është hera e parë që flitet për rikthimin e Ibrahimoviçit në kombëtare, por këtë herë duket ndryshe.
Në horizont, pas javës së ardhshme të kampionatit, do të jetë ndërprerja për shkak të ndeshjeve të kombëtareve dhe këtë herë spekulimet për një rikthim të mundshëm i ka “ndezur” vetë Ibrahimoviç me një postim që mund lë vend për interpretim, por duket se 39-vjeçari është i qartë në vetvete.
Fanella me numrin 10 e Suedisë dhe shiriti i kapitenit në foto. Në Suedi lajmi ka bërë bujë dhe zërat sa vijnë dhe shtohen për rikthimin e Ibrahimoviçit. Suedia do të luajë tri ndeshje brenda pak ditësh, miqësoren me Danimarkën dhe pastaj sfidat me Kroacinë dhe Francën në Ligën e Kombeve. Ndoshta në këto ndeshje kombëtarja skandinave do të ketë edhe njeriun e saj simbol.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje