.png)
Kuvendi ka anuluar seancën plenare të ditës së enjte, duke e argumentuar këtë vendim me urdhrin e vendosur nga Komiteti i Ekspertëve për ndalimin e grumbullimit të më shumë se 10 personave në një ambient të mbyllur, apo të hapur.
Urdhri është dhënë nga kryetari i Parlamentit, Gramoz Ruçi, me sqarimin se i është drejtuar Komitetit Teknik dhe ministres së Shëndetësisë, Ogerta Manastirliu që të interpretojnë nëse mbledhjet e Kuvendit në seancë plenare e shkelin vendimin e ekspertëve, apo jo.
Në seancën plenare të anuluar, Kuvendi kishte në rend të ditës 7 pika, mes të cilave edhe një interpelancë të kërkuar nga deputeti Ralf Gjoni me Kryeministrin Edi Rama për situatën e pandemisë dhe një interpelancë me ministren e Shëndetësisë, Ogerta Manastirliu po për të njëjtën çështje.
Vendimi i kryetari të Kuvendit nuk prek punën e Komisioneve Parlamentare, që prej kohësh e zhvillojnë aktivitetin e tyre online.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje