.png)
Futbollistët e Kukësit duhje të zhvillonin sot seancën e radhës stërvitore, në kuadër të ndeshjes me Teutën në kampionat, por ata nuk kanë pranuar të zbresin në fushë në shenjë proteste për pagat e pamarra. Një problem serioz ky për një skuadër që ka pretendime të mëdha në sezonin aktual.
Situata ka qenë shqetësuese prej disa javësh dhe me sa duket futbollistëve u ka sosur durimi, ndaj dhe kanë zgjedhur bojkotin si një mënyrë për t’i bërë drejtuesit e klubit të reagojnë. Nëse nuk do të ketë një zgjidhje të shpejtë të situatës, Kukësi mund të luajë me ekipin U-21 të shtunën ndaj Teutës.
Është hera e dytë që te Kukësi ndodh një gjë e tillë. Edhe disa muaj më parë lojtarët kanë protestuar për pagat, duke mos dalë në stërvitje, por në atë rast problem u zgjidh shpejt. Mbetet për t’u parë tani reagimi i presidentit Safet Gjici.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje