.png)
Mançester Siti “blindon” Pep Guardiolën deri në vitin 2023. Trajneri katalanas, te Siti që prej vitit 2016, ka rinovuar kontratën edhe për dy sezone të tjera. Njoftimi ka ardhur në kanalet zyrtare të klubit anglez. “Udhëtimi vazhdon”, – shkruhet në njoftimin e “qytetarëve”.
Marrin fund kështu shumë projekte të klubeve të mëdha europiane, që synonin të firmosnin me trajnerin spanjoll, duke qenë se ai nuk kishte rinovuar ende me Sitin. Pas rinovimit ka folur edhe vetë Guardiola për faqen zyrtare të klubit, ku mes të tjerash thekson:
“Këtu më duan shumë që nga momenti që kam ardhur. Qyteti, tifozët, lojtarët… Kemi një lidhje të fortë bashkë, kemi përjetuar momente fitoresh të ndryshme dhe trofesh. Jemi të gjithë krenarë për atë që kemi bërë. Ky lloj suporti është gjëja më e mirë që një trajner mund të ketë. Kam gjithçka që dëshiroj për ta bërë mirë punën time, mund të përmirësohemi më shumë dhe sfida ime është pikërisht kjo. Gjithashtu, jam i nderuar nga besimi që kanë tek unë pronari i klubit, presidenti, Ferran dhe Txiki, të cilët më ofruan rinovimin edhe për dy vjet”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje