.png)
Serbia miratoi të enjten, përmes kabinetit qeveritar, vendimin që u mundëson shtetasve të Shqipërisë të hyjnë në territorin e Serbisë vetëm me karta identiteti.
Në njoftimin e faqes zyrtare të qeverisë së Serbisë thuhet se vendimi është rezultat i një marrëveshje të nënshkruar midis dy vendeve në kuadër të Shengenit Ballkanik.
“Kjo do të lehtësojë qarkullimin e njerëzve, mallrave dhe kapitalit. Zbatimi i këtij vendimi, krijon parakushte shtesë për zhvillimin e mëtejshëm të bashkëpunimit ekonomik, shkencor, arsimor, sportiv dhe kulturor midis dy vendeve”, thuhet në vendim.
Marrëveshja mes dy vendeve u arrit në 8 nëntor në kuadër të sesionit të parë të “MiniShengenit Ballkanik” të zhvilluar online me qeveritë e tri vendeve, Shqipërisë, Serbisë dhe Maqedonisë së Veriut.
Sipas Presidentit serb Vuçiç, me këtë masë lehtësuese do të synohet një shtim i turistëve shqiptarë në Serbi dhe më shumë turistë serbë drejt bregdetit shqiptar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje