.png)
Turqia ka ndaluar një frigatë gjermane që të ushtrojë kontroll mbi një anije të saj, që kishte për destinacion Libinë.
“Der Spiegel” raporton se frigata “Hamburg”, që është pjesë e misionit të Bashkimit Europian për të zbatuar embargon e armëve ndaj Libisë u urdhërua që të kontrollojë anijen turke “Rosaline A”.
Media gjermane nuk saktëson se kur ka ndodhur incidenti, por thotë se ushtarët gjermanë të “Hamburg” u bllokuan menjëherë pasi zbritën në bordin e anijes turke. “Der Spiegel” thotë se shkak u bë ndërhyrja e Qeverisë turke, që ka protestuar me forcë duke mos dhënë miratimin për kontrollin e anijes.
Kjo ndërhyrje ka detyruar ushtarakët gjermanë që të largohen pa e zbatuar urdhrin e marrë dhe duke respektuar një marrëveshje mes Bashkimit Europian dhe Turqisë, sipas të cilës kontrollet mbi anijet turke nuk mund të ndërmerren nga misioni “Irini” i BE-së pa miratimin e Ankarasë.
Turqia nuk e ka fshehur asnjëherë mbështetjen e saj direkte për qeverinë e Tripolit, madje duke e furnizuar atë edhe me armë dhe ka dyshime edhe me mercenarë për t’iu kundërvënë Gjeneralit Khalifa Haftar, që kontrollon pjesën më të madhe të territorit të vendit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje