.png)
Komisioni i Sigurisë rrëzoi me shumicë votash dekretin e Presidentit Ilir Meta për kthimin për rishqyrtim të ligjit për ‘’Policinë e Shtetit’’.
Pro dekretit votoi deputeti Myslim Murrizi.
Në dekretin e tij Meta nënvizonte se ligji shkel të drejtën e privatësisë dhe e kthen policinë në një organ që gjurmon qytetarët jashtë procesit penal dhe jashtë kontrollit të prokurorisë, apo gjykatës.
Meta theksonte gjithashtu se ligji në fjalë shkakton pabarazi në radhët e punonjësve të Policisë, duke sanksionuar lëvizjen e tyre edhe pa miratim paraprak, çka Presidenti vlerëson se mund të ketë pasoja në humbjen e përfitimeve që kanë punonjësit e policisë prej statusit të veçantë për shkak të detyrës.
Meta kishte dyshimet e tij edhe për rolin që i jepej policisë gjatë procesit zgjedhor me këtë ligj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje