.png)
Skënder Gega, trajneri i Kukësit, do të kthehet sot nga Turqia, ku u kurua pasi u infketua nga Koronavirusi. Ai qëndroi disa ditë në një klinikë të specializuar dhe tashmë gjendja e tij shëndetësore është stabilizuar, ndaj dhe mjekët e kanë lejuar të kthehet në Shqipëri.
“Trajneri Skënder Gega ka lënë sot spitalin. Duke parë ecurinë pozitive dhe efektin e terapisë, doktorët kanë dalë në konkluzion se ai mund të fluturojë drejt Tiranës. Gega gëzon gjendje shumë të mirë shëndetësore dhe shumë shpejt do t’i bashkohet ekipit”, – bën me dije klubi i Kukësit me anë të një postimi në faqen zyrtare.
Në ndeshjet e fundit Kukësin e ka drejtuar ndihmëstrajneri Rrahman Hallaçi, me të cilin skuadra ka marrë 2 fitore. Gega qëndroi fillimisht disa ditë i karantinuar në shtëpi, ku mori mjekim, por gjendja e tij u përkeqësua dhe trajneri shkoi në Turqi për trajtim më të specializuar. Tani gjithçka ka kaluar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje