.png)
Ndeshja me Selltikun u komplikua më shumë nga sa ishte parashikuar, por fundi i saj ishte shumë i bukur për Milanin, që me fitoren 4-2 u kualifikua me 10 pikë për në turin tjetër të Ligës së Europës, kur ka mbetur edhe një xhiro nga faza në grupe. Gjithçka u fiksua në minutat e fundit, kur Brahim Diaz siguroi 3 pikët për Milanin me golin e 4-t, ndërsa dopieta e Burak Jilmaz i dha fitoren Lilës ndaj Spartës së Pragës, duke nidhmuar kuqezinjtë.
Trajneri Stefano Pioli, i kthyer pas karantinës, bëri ndryshime, duke aktivizuar nga minuta e parë Dalot, Gabia, Kruniç, Kastilejo dhe Hauge. Selltiku, që po kalon një krizë në kampionat, befasoi me dy gola të shënuar që në fillim nga Rogiç dhe Edouard, ndërsa Kjaer u dmëtua dhe vendin e tij e zuri Romanjoli. Reagimi kuqezi erdhi menjëherë dhe brenda 2 minutash Milani barazoi. Çalhanoglu realizoi nga një goditje dënimi dhe më pas Kastilejo baraspeshoi gjithçka.
Por barazimi nuk e kënaq Milanin, që insiston dhe Hauge e vë ndeshjen në binarë për skuadrën e tij. Norvegjezi shënon një gol fantastik, falë aftësive të tij individuale. Ai shërben edhe për Brahim Diaz në golin e katërt të Milanit, që arrin qëllimin për të siguruar kualifikimin në këtë ndeshje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje