.png)
Komuna e Napolit ka pranuar zyrtarisht ndryshimin e emrit të stadiumit “San Paolo”. Tani e tutje ai do të quhet stadiumi “Diego Armando Maradona”. Kryesia e komunës ka aprovuar propozimin e kryebashkiakut të Napolit, Luixhi de Maxhistris, për t’i dhënë stadiumit emrin e yllit argjentinas që ndërroi jetë më 25 nëntor, në moshën 60-vjeçare.
“Për futbollistin më të madh të të gjitha kohërave, që me talentin e tij të jashtëzakonshëm dhe magjinë e tij e ka nderuar për 7 vjet fanellën e Napolit, duke i dhuruar dy tituj kampion dhe trofe të tjerë, duke marrë në këmbim nga qyteti dashurinë e përjetshme”. Ky është njoftimi i komunës, ku shprehet motivacioni për ndryshimin e emrit të stadiumit.
Menjëherë pas vdekjes së Maradonës, kryebashkiaku i Napolit kërkoi që stadimi të merrte emrin e tij. Argjentinasi ka bërë historinë me Napolin, ndaj dhe në këtë qytet ai është po aq i dashur sa në vendin e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje