.png)
Pasi u hoq për shkak të rregullave të FIFA-s nga Grupi A i kualifikueseve të Botërorit, ku bën pjesë Serbia, Kosova është vendosur në Grupin B, por edhe këtu nuk është se gjërat janë në rregull. Në këtë grup bëjnë pjesë tre shtete, që nuk e kanë njohur pavarësinë e Kosovës, konkretisht Spanja, Greqia dhe Gjeorgjia. Me siguri që në këto rrethana do të krijohen probleme politike dhe diplomatike.
Me shumë mundësi, tre vendet e përmendura më lart, do të kërkojnë të mos luajnë në Prishtinë ndaj Kosovës, por në një fushë neutrale, siç ka ndodhur me Ukrainën në kualifikueset e Botërorit të fundit, kur ndeshja u luajt në Shqipëri. Shorti i hedhur në Zvicër e vendosi Kosovën në një grup me Serbinë, por rregullorja e FIFA-s parashikon që të mos ndeshen mes tyre dy vende rivale në planin politik. Kështu, Kosova u spostua në një grup tjetër.
Në Grupin B, Suedia është i vetmi vend që e ka njohur pavarësinë e Kosovës. Është ende herët për polemika, por kur të afrojnë ndeshjet me siguri që nuk do të flitet vetëm për futboll para sfidave të Kosovës me Spanjën, Greqinë dhe Gjeorgjinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje