.png)
Ambasadori i Bashkimit Europian në Shqipëri, Luigi Soreca, ka shpërndarë letrën e 24 eurodeputetëve, nga grupet kryesore politike, anëtarë të Komitetit të Politikës së Jashtme në Parlamentin Europian, që i kërkojnë Këshillit miratimin e kuadrit të negociatave me Shqipërinë dhe Maqedoninë e Veriut në takimin e sotëm të Ministrave të Jashtëm të Bashkimit Europian.
“Deklaratë e rëndësishme e përbashkët nga përfaqësuesit e grupeve politike në Parlamentin Europian mbi negociatat e pranimit me Shqipërinë dhe Maqedoninë e Veriut”, shprehet Soreca.
24 eurodeputetë nënvizojnë përpjekjet e gjithëanëshme të Shqipërisë në reforma, në mënyrë të veçantë në fushën e drejtësisë.
Kjo letër është përshëndetur edhe nga kreu i grupit parlamentar i PS-së Taulant Balla.
Ndërkohë, çështja e zgjerimit dhe kuadri negociues me Shqipërinë dhe Maqedoninë e Veriut është hequr fare nga agjenda e mbledhjes se ministrave të Jashtëm të Bashkimit Europian.
Në faqen zyrtare të Këshillit Europian është njoftuar shkurtimisht se diskutimet do të përqendrohen tek pandemia dhe nevoja për forcimin e koordinimit të vendeve të BE-së, negociatat e shkëputjes së Britanisë së Madhe, ndryshimet klimatike, siguria dhe marrëdhëniet me jashtë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje