.png)
Tirana nuk fitonte që në javën e parë të kampionatit, kur mundte Kukësin në stadiumin e Korçës, 0-2. Në atë kohë ishte trajner Emanuel Egbo, i cili i la vendin Nevil Dedes pas javës së dytë. Dhe më në fund trajneri i ri i kampionëve në fuqi ka arritur fitoren e parë. Një fitore që në këtë moment ka vlera të mëdha morale për bardheblutë.
Ndeshjen në Laç e ka vendosur një gol i Idriz Bathës, mesfushori që goditi bukur dhe saktë nga jashtë zonës. Pak minuta më parë Laçi kishte humbur një penallti me golashënuesin Nuabueze. Ishte meritë e portierit Bekaj që e priti gjuajtjen e tij dhe i dha zemër Tiranës.
Fitore bindëse kanë arritur jashtë fushe edhe Vllaznia kryesuese dhe Kukësi, me rezultatin e njëjtë, 0-3. Shkodranët shënuan që në “tunel” ndaj Kastriotit në ndeshjen e zhvilluar në Kamzë dhe më pas kompletuan fitoren edhe me dy gola të tjerë. Vllaznia udhëheq me 16 pikë renditjen e Superiores. Kukësi fitoi në fushën e Bylisit, që tashmë mban vendin e fundit, pasi është kaluar edhe nga Apolonië, që mundi Skënderbeun në Fier, 1-0.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje