.png)
Kryeministri i Italisë Giuseppe Conte ka njoftuar sot vendosjen e kufizimeve të tjera në mënyrë që të shmangë një valë të tretë të koronavirusit.
Qeveria italiane po planifikon forcimin e masave gjatë sezonit të festave me qëllim që të frenohet përhapja e koronavirusit, u shpreh Conte në një intervistë të botuar të martën.
“Për më tepër, tani nevojiten kufizime të reja … ne duhet të shmangim me çdo kusht një valë të tretë, sepse kjo do të ishte shkatërruese, gjithashtu edhe nga pikëpamja e humbjes së jetëve”, tha Conte për La Stampa.
Qeveria e koalicionit e kryesuar Conte po konsideron rregulla më të rrepta në mbarë vendin për festat e fundvitit pasi turmat u dyndën në qendrat e qyteteve gjatë fundjavës menjëherë pasi Roma kishte zbutur disa kufizime të vendosura muajin e kaluar.
Italia është vendi europian me numrin më të lartë të vdekjeve, me më shumë se 65,000 qytetarë kanë humbur jetën si pasojë e epidemisë në shkurt.
Conte tha po ashtu se fushata e vaksinimit duhet të bëhet të paktën tek 10-15 milionë njerëz në mënyrë që të “kishte një ndikim efektiv në imunitet”. Sipas tij, kjo mund të arrihet në fund të pranverës ose para verës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje