.png)
Ndryshe nga gjashtë ditët pararendëse, të martën në Tiranë pati shumë pak protestues dhe forca të shtuara të Policisë.
Me zbehjen e protestës në njërën anë, po rriten edhe mesazhet politike në anën tjetër. E ka bërë Lulzim Basha i cili paralelisht me orarin e protestës, ka shpërndarë në Twitter mesazhet e tij të pasmesditës në një bashkëbisedim që pati me median, konkretisht për policinë dhe qëndrimin e tij ndaj protestës.
“Policia e Shtetit do t’u kthehet qytetarëve. Reformë e thellë, për një polici që do të luftojë krimin, do të mbrojë qytetarët dhe ligjin dhe do të jetë pjesë e përpjekjes tonë tjetër të suksesshme për ta futur Shqipërinë në BE”, shkruan Basha në Twitter.
Të martën në një konference me mediat, Basha u shpreh ndër radhë: “Reformë e thellë në polici që do luftojë krimin do mbrojë qytetarët e do jetë pjesë përpjekjes sonë të suksesshme për të futur vendin në BE. Brenda 6 muajve të parë të qeverisë do keni polici të standardeve të policisë së Kosovës si fillim”.
A do i bashkohet opozita edhe fizikisht protestës së të rinjve për vrasjen e Klodian Rashës?
“Kjo është një protestë e të rinjve shqiptarë, të harruar e braktisur në 7 vite të qeverisjes së Ramës, ka pasur e ka mbështetjen tonë të plotë…”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje