.png)
Zhaklina Peto fitoi për të dytën here të drejtën për të vijuar garën për në Gjykatën Kushtetuese nga Apeli Administrativ, por nuk po fiton dot betejën e nisur me KED e cila të mërkurën në mesdite ka lajmëruar se do të rimarrë në shqyrtim çështjen e saj.
Kjo sepse Zhaklina Peto që prej datës 19 dhjetor rezulton e infektuar me Covid-19 dhe ka lajmëruar se është e pamundur që të paraqesë dokumentet shtesë të kërkuara me vendim nga Apeli Administrativ, e për pasojë ka kërkuar edhe shtyrjen e mbledhjes.
Kërkesa në fjalë sa duket nuk është marrë parasysh, ose se paku kështu rezulton, sa kohë që KED është mbledhur tashmë për të shqyrtuar sërish emrin e saj përballë një tjetër kandidature Sonila Bejtja, për vendin e lënë bosh nga Besnik Muçi..
Pak kohë më parë, Zhaklina Peto e rikthyer nga Administrativja u skualifikua nga KED me argumentin se ajo kishte mangësi të një apo disa kushteve të parashikuara nga Kushtetuta dhe ligji për të qenë anëtare e Gjykatës Kushtetuese.
Zhaklina Peto ka përfunduar studimet në Fakultetin e Drejtësisë në vitin 1995 dhe zotëron titullin Master në Shkencat Civile si dhe PHD.
Zhaklina Peto paditi në SPAK ish-nënkryetaren e KED Vitore Tusha dhe relatoren që e verifikoi Miranda Andoni, duke e drejtuar gishtin e pakënaqësisë drejt një anëtari konkret.
Saga e garës së saj vijon ende dhe mbledhja e të mërkurës pritet të përcaktojë shumëçka në rastin e saj, nëse çështja për të do të shtyhet ne Janar me një tjetër përbërje të KED, apo gjithçka do të përfundojë sot. Të paktën nga KED.
Ndërkohë. Këshilli i Emërimeve në Drejtësi, pas diskutimeve miratoi vendimin për pikëzimin dhe renditjen e kandidatëve të lejuar, Aleksandër Toma dhe Përparim Kalo për vendin vakant në Gjykatën Kushtetuese vakancë e parakohshme, e shpallur nga Presidenti i Republikës. Dy kandidatët zëvendësojnë ish-anëtarin e Kushtetueses, Besnik Imeraj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje