.png)
Ministri i Brendshëm, Bledi Çuçi ka urdhëruar hetimin e episodeve të dhunës së përdorur nga ana e Policisë së Shtetit gjatë protestave që pasuan vrasjen e Klodian Rashës më 8 dhjetor.
Këtë zotim, ministri i ri i Brendshëm ja ka shprehur ambasadores së SHBA në Tiranë, Yuri Kim.
“U takova me Bledi Çuçin për t’i uruar suksese si ministër i Brendshëm. U lumturova që dëgjova prej tij se ka urdhëruar hetime mbi trajtimin e protestueusve. E drejta për të protestuar paqësisht duhet të respektohet”, thotë Kim përmes një postimi në rrjetet sociale.
Ambasadorja amerikane zbulon gjithashtu se në bisedë me ministrin e Brendshëm janë cekur edhe zgjedhjet e 2015 dhe forcimi i bashkëpunimit dypalësh në fushën e sigurisë.
“Diskutuam gjithashtu mbi rolin e Ministrisë së Brendshme në zgjedhje. Ramë dakord për të forcuar bashkëpunimin në forcimin e sigurisë dhe zbatimin e ligjit”, vijoi Kim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje