.png)
Në Institucionin Presidencës u zhvillua sot ceremonia e betimit e anëtarit të ri të Gjykatës Kushtetuese, Përparim Kalo.
Gjyqtari Kalo, pas ekzekutimit të himnit kombëtar dhe leximit të dekretit përkatës të emërimit të tij nga Kreu i Shtetit, duke vendosur dorën mbi Kushtetutën e Shqipërisë, u betua.
Presidenti Meta i uroi suksese dhe punë të mbarë gjyqtarit Përparim Kalo në detyrën e tij tepër të rëndësishme e me përgjegjësi të lartë të anëtarit të Gjykatës Kushtetuese.
Në ceremoninë solemne të betimit ishin të pranishëm Kryetari i Kuvendit, Gramoz Ruçi, Kryetarja në detyrë e Gjykatës Kushtetuese, Vitore Tusha, Avokati i Popullit, Erinda Ballanca, drejtuesja e misionit OPDAT të Ambasadës së SHBA në Tiranë, Michelle Lakomy, si dhe anëtarë të Kabinetit të Presidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje