.png)
Marrëdhënia e punës me Klaudio Lotiton është shumë e vështirë. Igli Tare, ish-kapiteni i Kombëtares dhe drejtori sportiv i Lacios, ia ka gjetur prej vitesh “telat” presidentit të klubit roman dhe falë punës së tij të mirë ka pasur jetëgjatësi në postin që mban.
Pikërisht kjo punë rezultative e ka bërë Taren të kërkuar edhe nga klube të mëdha si Milani, por ai ka preferuar të qëndrojë te Lacio, ku aktualisht situata është shumë e tensionuar. Lotito nuk e përtypur dot humbjen e fundit me Milanin dhe ka lëshuar akuza për të gjithë, edhe për Taren. Ai gol i pësuar në shtesë e ka prishur festën e drejtuesve lacialë.
Sipas “Cittaceleste.it”, presidenti Lotito e ka drejtuar gishtin e azkuës kundër trajnerit Simone Inzagi dhe kundër drejtorit sportiv Igli Tare. Në këto 10 vite që Tare mban postin e drejtorit sportiv, janë shumë bastet e fituara, që kanë rregulluar bilancin e klubit, por ka edhe shumë baste të humbura. Lotito ka përmendur rastet e 12 milionë eurove të shpenzuara për Denis Vavron dhe 20 milionë eurot e shpenzuara për Vedat Muriqin.
Sulmuesi kosovar zuri vendin e Korreas në pjesën e parë, ndërkohë që sipas Lotitos duhej të luante Kaisedo. Muriqi luajti dobët, ndaj dhe Lotito është nxehur keq me pjesëtarët më të afërt të stafit. Ai e vlerëson të papërshtatshme merkaton e Tares, qashtu si dhe ndërrimet e bëra ndaj Milanit nga trajneri Inzagi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje