.png)
Mançester Siti është goditur masivisht nga Covid-19. Përveç 4 rasteve pozitive që ishin bërë të ditura për Krishtlindje, Gabriel Jesus, Uollker dhe dy pjesëtarë të stafit, “qytetarët” janë goditur nga raste të reja, çka ka sjellë shtyrjen e ndeshjes me Evertonin, e programuar për sot në mbrëmje.
Vendimi është marrë, pasi Covid-19 ka pushtuar skuadrën e drejtuar nga trajneri Pep Guardiola. Në serinë e fundit të testeve kanë rezultuar pozitivë të tjerë futbollistë, por emrat e tyre ende nuk janë bërë të ditur nga klubi anglez.
Evertoni humb kështu mundësinë për të shkuar në vend të parë të klasifikimit të paktën për dy netë (në shoqërinë e Liverpulit, që ka një ndeshje më pak). Skuadra e drejtuar nga Ançeloti është 3 pikë larg vendit të parë. Ka 3 pikë më shumë dhe një ndeshje më shumë se Mançester Siti i Guardiolës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje