.png)
Dy emra të njohur të futbollit italian, Françesko Moriero dhe Fabricio Mikoli, do të drejtojnë Dinamon në vazhdim. Lajmi bëhet i ditur nga burime të Gazeta Si pranë klubit Dinamo. Zyrtarizimi ëhstë vetëm çështje orësh, pasi akordi është arritur tashmë mes tyre dhe presidentit Marko Pontreli.
Vendin e Fabricio Kamaratës, që ka vendosur të drejtojë Apoloninë në Superiore, do ta marrë Françesko Moriero, ish-lojtar i njohur i Interit, Romës, disa skuadrave të tjera në vendin fqinj, si dhe kombëtares së Italisë. Ai ka një përvojë të gjatë edhe si trajner, ku ka drejtuar skuadra kryesisht të Serisë B si Lançano, Krotone, Frozinone etj.
Bashkë me të në klubin blu do të vijë edhe Fabricio Mikoli, ish-lojtar i Juventusit, Palermos dhe shumë skuadrave të tjera. Edhe ai ka luajtur me kombëtaren italiane gjatë karrierës. Mikoli do të mbajë rolin e ndihmëstrajnerit dhe do të drejtojë gjithashtu akademinë dinamovite.
Janë të gjitha këto lëvizje që presidenti Marko Pontreli ka menduar të bëjë për ringritjen e klubit blu në nivelet e tij më të larta. Dinamo udhëheq Grupin A në Kategorinë e Parë, 4 pikë para vendit të dytë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje