.png)
Lotar Mateus nuk ka dyshime në lidhje me të ardhmen e Gjermanisë dhe në veçanti të trajnerit të saj, Joakim Lëv. Legjenda gjermane, si gjithmonë, lë mënjanë diplomacinë dhe thotë hapur atë që mendon. Për “Suddeutsche Zeitung” ai ka dhënë mendimin e tij se çfarë duhet bërë, në rast se Europiani nuk shkon mirë.
“Nëse Europiani nuk shkon ashtu siç ne presim, duke parë kualitetin e lojtarëve që kemi, atëherë mendoj se nuk do të jetë vetëm trajneri Lëv që duhte të largohet”, – ka theksuar së pari Lotar Mateus.
“Duhet të largohen edhe të gjitha ata që kanë vendosur që ai të qëndronte. Duhet të pranojnë pasojat. Ndeshja me Spanjën ishte një rast i jashtëzakonshëm (spanjollët fituan 6-0), por kur shoh situatën në përgjithësi, ose kujtoj ndeshjet kur skuadra luftonte për të fituar, apo kur ka pësuar gol në fund, bindem se Lëv nuk është më për të drejtuar Gjermaninë”, – ka argumentuar më pas ish-mesfushori i famshëm gjerman.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje