.png)
Të paktën 33 shtete kanë raportuar për raste me variantin e ri të koronavirusit, që fillimisht u identifikua në Britani.
Rritja e rasteve me koronavirus në Britani u tha se u shkaktua për shkak të variantit të ri të virusit, i cili besohet se përhapet më shpejt. Për shkak të rritjes së rasteve, Britania më 1 janar mbylli shkollat fillore, pasi u regjistruan 50,000 raste të reja në katër ditët e fundit.
Autoritetet shëndetësore në Britani tha se presin që të ketë rritje të personave që do të kërkojnë ndihmë mjekësore, teksa edhe shumë vende presin që të regjistrojnë rritje të rasteve të reja, pas festave të fundvitit.
Në Shtetet e Bashkuara numri i përgjithshëm i infektimeve ka arritur në mbi 20 milionë. Pas SHBA-së, vijnë India dhe Brazili me numrin më të madh të rasteve dhe Rusia gjendet në vendin e katërt.
Mbi 3,400 vdekje janë raportuar më 1 janar në SHBA, teksa ekspertët shëndetësorë thonë se për shkak të mbledhjes së njerëzve gjatë Krishtlindjes dhe Vitit të Ri, do ta përkeqësojë situatën.
Florida është bërë shteti i fundit amerikan që ka raportuar për variantin e ri të virusit, që fillimisht u identifikua në Britani. Autoritetet thanë se rasti u detektua më 31 dhjetor, 2020, te një person, i cili nuk kishte udhëtuar së fundmi jashtë vendit. Më herët, edhe Kolorado dhe Kalifornia kanë raportuar raste me variantin e ri.
Varianti i ri tashmë është përhapur në 33 shtete të botës dhe ka rritur shqetësimet se do të vazhdojë të përhapet edhe në shtete të tjera.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje