.png)
FIFA ka pezulluar dënimin prej 10 javësh për mbrojtësin anglez të Atletiko Madrid, Kieran Tripier. Disa ditë më parë ai u dënua nga Federata Anglese e Futbollit, sepse kishte vënë bast me anë të një ndërmjetësi për transferimin e tij në Spanjë, duke përdorur informacione të rezervuara.
Me vendimin e fundit të FIFA-s, lojtari i kombëtares angleze mund të luajë me klubin e tij, Atletikon, në pritje të vendimit të Apelit. Tripier, 30 vjeç, u përjashtua nga çdo lloj aktiviteti futbollistik nga Federata Angleze, por tashmë ai mund të kthehet në fushë për t’u vënë nën urdhrat e trajnerit Diego Simeone.
Përveç dënimit 10-javor, që zgjaste deri më 28 shkurt, FA-ja i vendosi lojtarit edhe një gjobë prej 70.000 stërlinash, rreth 94.000 euro, pasi gjykoi se ai është fajtor sa u takon akuzave të transferimit nga Totenhemi tek Atletiko Madrid. Tripier tani mund të luajë edhe në ndeshjen e 1/8-ve në Ligën e Kampionëve ndaj Çelsit, që zhvillohet më 23 shkurt.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje