.png)
Strategjia për votimin e emigrantëve është ende në fazën fillestare të saj. Aktualisht, Komisioni Qendror i Zgjedhjeve është duke diskutuar mbi rrugën që duhet të ndiqet për hartimin e listave të votuesve që jetojnë jashtë Shqipërisë.
Janë dy variante të propozuara nga palët përfaqësuese të opozitës dhe të mazhorancës në Komisionin Qendror të Zgjedhjeve. Në variantin e parë të mbështetur nga opozita propozohet që emigrantët që duan të ushtrojnë të drejtën e votës nga shteti ku jetojnë, duhet të bëjnë regjistrimin e adresës së tyre nëpërmjet portalit qeveritar, “e-Albania”.
Pas këtij hapi, emigrantët mund të kërkojnë që emri i tyre të futet te lista e shqiptarëve që do të votojnë jashtë vendit duke e hiqur nga listat e votuesve në Shqipëri. Afati për të gjitha këto procedura duhet të kryhet brenda 16 marsit.
Rruga e dytë kërkon që procedurën e regjistrimit ta bëjë vetë Komisioni Qendror i Zgjedhjeve përmes një sistemi elektronik që do të ngrihet posaçërisht për këtë kategori dhe më pas të përpunohen të dhënat e siguruara nga Gjendja Civile.
Për këtë propozim kërkohet që data e fundit e aplikimit të jetë 11 marsi. Me miratimin e njërit prej këtyre propozimeve i hapet rruga fazës së dytë, që është edhe më e vështira, ajo se si do të votojnë emigrantët, ku mundësia më e madhe mbetet ajo me postë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje