.png)
Gjermania do të kufizojë edhe më tej lirinë e lëvizjes për qytetarët, duke e zgjatur izolimin deri më 31 janar.
Masat përfshirë mbylljen e shkollave dhe të bizneseve jothelbësore, janë ndërmarrë në mes të dhjetorit dhe pritej të vazhdonin deri më 10 janar.
Të martën, kancelarja gjermane, Angela Merkel, takoi udhëheqësit e 16 landeve, me të cilët u dakordua për kufizme të reja, që synojnë të zvogëlojnë kontaktet midis njerëzve.
Ato përfshijnë kufizimin e lëvizjes së banorëve në rajone me norma të larta të rasteve me koronavirus, duke i lejuar të lëvizin vetëm në një distancë prej vetëm 15 kilometrash nga shtëpitë e tyre.
“Masat që kemi miratuar janë drastike. Janë më të ashpra”, tha Merkel pas takimit.
Udhëheqësit u pajtuan për kufizime të reja edhe në tubimet private. Njerëzit do të lejohen të takojnë vetëm një person nga një familje tjetër.
Kryetari i Berlinit, Michael Mueller, pranoi se masat janë “të rënda për shumë njerëz”.
Por, ai tha se barra që po vë pandemia e koronavirusut mbi spitalet dhe njësitë e kujdesit intensiv, mbetet e lartë.
Sipas shifrave të Universitetit Johns Hopkins, Gjermania ka regjistruar mbi 1.8 milion raste me koronavirus dhe mbi 36,000 viktima, prejse ka nisur pandemia në pranverën e vitit të kaluar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje