.png)
Në fund të muajit Dhjetor, Ministri i Brendshëm, Bledi Çuçi u paraqit në zyrat e “Aleat” në Njësinë Nr.5, ku aplikoi për të rinovuar kartën e identitetit. “Nëse edhe juve tashmë ju ka skaduar afati i përdorimit të dokumentit të identifikimit, drejtohuni në zyrat e “Aleat” në gjithë vendin, për të aplikuar që të pajiseni me dokumentin e ri”, shkruante Çuçi.
Pa pasur një ID të vlefshme, asnjë qytetar nuk mund të përfitojë dhjetëra shërbime online në portalin e-Albania dhe as të identifikohet në zgjedhjet e 25 prillit.
Këtë link ka shpërndarë të mërkurën edhe Ambasadorja amerikane në Tiranë, Yuri Kim, për të përcjellë edhe ajo një mesazh të qartë.
“Shumë urgjente për të gjithë. Qytetarët shqiptare të marrin karta të reja identiteti në mënyrë që ata të marrin shërbime dhe të votojnë në zgjedhjet 25 prillit. Lëshimi i kartave të reja biometrike është një pjesë thelbësore e marrëveshjes së 5 qershorit mbi reformën zgjedhore. Ju lutemi mos prisni derisa të jetë tepër vonë – merrni kartat tuaja të reja të identifikimit tani në mënyrë që të votoni në 25 prill”, shkruan ajo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje