.png)
Një oficer policie në Kongresin amerikan, i cili u përfshi në të shtënat me armë zjarri ku mbeti e vrarë një grua, gjatë protestës së një dite më parë është pezulluar nga detyra.
Përmes një deklarate për shtyp, shefi i policisë Steven Sund u shpreh se oficerët e tij dhe zyrtarët e tjerë të sigurisë reaguan me trimëri kur u përballën me mijëra persona të përfshirë në aktet e dhunës mbrëmjen e kaluar në Kapitol.
“Sulmi i dhunshëm ndaj Kongresit nuk ishte i zakonshëm dhe në eksperiencën time 20 vjeçare me forcat e ligjit, nuk isha përballur ndonjëherë”, u shpreh zyrtari i lartë i policisë.
Ai shtoi se zyrtari i policisë u detyrua të qëllojë me armë zjarri ndaj protestuesve në kohën kur ata iu drejtuan Dhomës së Përfaqësuesve, ku strehoheshin shumë nga ligjvënësit. Ndaj tij tashmë është hapur një hetim nga autoritetet përkatëse.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje