.png)
Qeveria gjermane ka vendosur që të zgjasë karantinën e pjesshme deri të paktën më 7 mars.
Kancelarja gjermane, Angela Merkel u tha gazetarëve se numri i të infektuarve ka filluar të shënojë rënie pas më shumë se tre muajsh kufizime të ashpra që përfshijnë mbylljen e restoraneve dhe shumicës së dyqaneve.
Ajo e quajti këtë periudhë deri në muajin mars si shumë të rëndësishme për menaxhimin e pandemisë.
Sistemi gjerman u mundëson landeve një fuqi vendimmarrëse dhe disa prej tyre u janë shmangur vendimeve të qeverisë qëndrore duke lehtësuar masat e izolimit.
Në vendimin e qeverisë gjermane parashikohet që shkollat dhe qendrat e kujdesit të jenë të “parat që do të hapen gradualisht”, edhe pse i është lënë në dorë landeve për të vendosur se kur dhe si ta zbatojnë vendimin.
Parukeritë mund të rihapen më 1 mars nëse marrin masat e nevojshme higjienike.
Gjermania shënoi të mërkurën edhe 8.072 raste të reja me koronavirus, duke e çuar numrin e përgjithshëm të të infektuarve në pak më pak se 2.3 milionë.
Pothuajse 63.000 njerëz kanë vdekur, sipas Institutit gjerman Robert Koch.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje