.png)
Taulant Balla tha nga Elbasani se Partisë Socialiste i nevojitet një mandat i tretë qeverisës për të vijuar punën.
Ashtu si edhe kryeministri Rama, Balla nuk la pa shigjetuar LSI-në se është një parti që sipas tij ka premtime por jo punë.
“Në Cërrik, në vitet 2015-2019 ka qeverisur LSI, ku edhe pse mbështetja e qeverisë nuk mungonte, nuk bëheshin punë. Na duhet shumë ky mandat qeverisës për të vazhduar punët, kemi shumë projekte të mëdha.
Qarku i Elbasanit është bërë pjesë e projekteve të mëdha. Qeveria gjermane ka vendosur të financojë këtu, si asnjëherë tjetër më parë.
Do kalojmë në Parlament projektin e madh të kanaleve të zeza.
Ajo që ne duhet të transformojmë është kalaja e Elbasanit, që është kalaja më e madhe fushore në Ballkan.
Brenda 500 metra katror gjen edhe xhaminë, edhe kishën, etj., prandaj ne do ta transformojmë.
Dicka tjetër që është e rëndësishme është se Elbasani 2021-2025 ka dy gjëra kryesore, bypass-i dhe linja hekurudhore, që e ka ndarë në mënyrë të padrejtë në dy pjesë Elbasanin, por që ne kemi një projekt të madh për ta transformuar. Jam i gatshëm të përballem me këdo, politikanë apo analistë, për numrin e punësimeve”, tha Balla duke sjellë një krahasim shifrash me vitin 2013 dhe jo me vitin 2017.
“Në Elbasan ne kemi arritur thuajse ta dyfishojmë numrin e të punësuarve. Nëse në Elbasan më 2013 kishim rreth 30-40 mijë të punësuar, kjo shumë sot është e dyfishuar. Kjo është një shifër shumë domethënëse”, tha Balla.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje