.png)
Konferencën jashtë radhe për shtyp, Presidenti Ilir Meta e shfrytëzoi për të thënë ndër radhë se çmimi ndaj gjyqtarit Ardian Dvorani nga DASH si kampion i luftës kundër korrupsionit, i përngjan atyre fletëve të lavdërimit që lëshoheshin nga Partia e Punës.
“Meqë dje kryeministri ka nxjerrë një fletë lavdërimi për antikorrupsionin e sukseset e tij që është një gjë që jo vetëm mua nuk më habit, përpjekja e tij për tu vetëlavdëruar si kampion i antikorrupsionit e Ramaformës, ja ku është Ramaforma, kjo është kapja e shtetit, kjo është SHPK-ja. Në një ditë e patë çfarë ka ndodhur, në 26 janar marrëveshja në Kamzë, ka vajtur me vrap në qeveri në 27 qeveria e ka miratuar me vrap në 27 janar prap u mblodh konferenca e Kuvendit, ndërkohe që nuk është ky nxitimi për të nxjerrë tre borëpastruese që kompanitë e kanë për detyrim t’i kenë në gatishmëri apo jo?
Këto janë si fletët e lavdërimit që merrte partia e punës… të vdisnin për bukë në Shqipëri, kështu janë këto çmimet e Edi Ramës për antikorrupsionin”, tha Meta.
Paralelisht me këtë krahasim, Presidenti veçoi se marrëdhëniet e tij me SHBA janë të shkëlqyera.
“Raportet e Ilir Metës me SHBA janë të shkëlqyera, edhe me të Europës, edhe me vendet e tjera, se Ilir Meta nuk mashtron, nuk gënjen dhe nuk i keqpërdor për interesat e tij,
Meta nuk ka shkelur asnjë ligj amerikan nuk është paraqitur asnjëherë që të bëjë foto si gruaja e Bilalit, e dini ju, hëngri burgun ai i shkreti për këtë mashtrim, dhe Meta respekton Kushtetutën e Shqipërisë…”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje