.png)
Në javën e 25-të të Serisë A bie menjëherë në sy ndalesa e Milanit në “San Siro”, ku barazoi 1-1 me Udinezen. Por mund të shkonte më keq për skuadrën e trajenrit Stefano Pioli, që i shpëtoi humbjes me një penallti të fituar në minutën e 7-të shtesë.
Pa Ibrahimoviç dhe Çalhanoglu, Milani zbriti në fushë me disa ndryshime. Kuqezinjtë u dukën nervozë dhe hasën vështirësi për të shënuar. Në pjesën e dytë pësuan një gol nga Udineze, pas një pakujdesie të portierit Donaruma në një gjuajtje me kokë të Bekaos. Kur u duk se ndeshja do të mbyllej me fitoren e miqve, në favor të Milanit u akordua një penallti, pas një prekjeje të topit me dorë në zonë. Kesi nuk gaboi dhe kuqezinjtë i shpëtuan turpit. Milani ka 53 pikë pas kësaj jave, 3 më pak se Interi, që nuk ka luajtur ndeshjen me Parmën.
Në ndeshjet e kësaj jave, tre nga mbrojtësit e Kombëtares, Hysaj, Gjimshiti dhe Kumbulla, u aktivizuan titullarë me skuadrat e tyre. Napoli i Hysajt barazoi 3-3 me Sasuolon, Atalanta e Gjimshitit mundi 5-1 Krotonen, ndërsa mbrojtësi ynë dha një assist, kurse Roma e Kumbullës fitoi 1-2 në fushën e Fiorentinës. Hysaj dhe Kumbulla u zëvendësuan në fund të ndeshjes.
Seria A, java e 25-të
Sasuolo-Napoli 3-3
Milan-Udineze 1-1
Atalanta-Krotone 5-1
Benevento-Verona 0-3
Kaljari-Bolonja 1-0
Fiorentina-Roma 1-2
Xhenoa-Sampdoria 1-1
Të martën
Juventus-Specia 3-0
Lacio-Torino (nuk u luajt)
Të enjten
Parma-Inter
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje