.png)
Ornaldo Rakipi, djali i ish-deputetit Aqif Rakipi, të cilit Komisioni Qendror i Zgjedhjeve i hoqi mandatin për shkak të ligjit të dekriminalizimit, po ndjek gjurmët e babait duke iu futur politikës, por me një tjetër sigël.
I datëlindjes 29 janar 1994, Ornaldo Rakipi është përfshirë si kandidat në zgjedhjet e 25 prillit nga ana e Partisë Socialiste.
Ai ndodhet larg zonës së sigurtë të mandateve, duke u renditur i 30-ti, por më shumë se ambicia për t’u zgjedhur deputet kjo përfshirje e tij konfirmon afrimin e Aqif Rakipit nga ana e Edi Ramës si strategji për të siguruar votat e çamëve në Qarkun e Tiranës.
Përveç djalit të Aqif Rakipit, në listën e kandidatëve të PS-së për Tiranën është edhe Tahir Muhedini, ish-president nderi i Partisë për Drejtësi, Integrim dhe Unitet, drejtuar nga Shpëtim Idrizi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje