.png)
Humbja e sotme në “Loro Boriçi” me Bylisin ka rezultuar fatale për trajnerin e Vllaznisë, Tomas Bërdariç. Edhe pse skuadra shkodrane mban ende vendin e parë, me 41 pikë, trajneri gjerman është shkarkuar nga detyra. Pritet vetëm zyrtarizimi i largimit të tij nga klubi verior.
Gjatë 5 ndeshjeve të fundit të kampionatit, Vllaznia ka marrë vetëm 2 pikë nga 15 të mundshme, me 3 humbje dhe 2 barazime. Kjo ka bërë që drejtuesve t’u humbasë durimi, pasi nga +7 pikë para vendit të dytë që ishin para disa javësh, tani rrezikojnë jo vetëm të humbin kreun e klasifikimit, por edhe zonën europiane.
Bërdariç e mori drejtimin e Vllaznisë në verë dhe i befasoi të gjithë me atë ecuri në gjysmën e parë të kampionatit. Në fillim Vllaznia e tij u quajt surprizë, më pas të gjithë e konsideruan pretendente serioze për titullin, duke parë edhe diferencën e pikëve me rivalët, por gjithçka është përmbysur në javët e fundit. Drejtimin e Vllaznisë mësohet se do ta marrë përkatësisht Elvis Plori.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje