.png)
Kryeministri Edi Rama komentoi për herë të parë përplasjen e Presidentit Ilir Meta me Policinë Bashkiake për zyrat e Frymës së Re Demokratike.
Kreu i Qeverisë foli me doza ironie e sarkazme, jo aq drejtpërdrejtë sa kryebashkiakut i Tiranës, Erion Veliaj, që foli për “degjenerim psiqik” të Presidentit, por duke qëndruar në të njëjtën linjë me këto deklarata.
“Vaksinën për tërbimin nuk e kemi për fat të keq dhe do të na duhet të bashkëjetojmë për një farë periudhe. Më lejoni që të mos bëj asnjë koment, sepse jemi në kushtet e një shfaqjeje që është klinikisht e rëndë dhe që kërkon solidaritet njerëzor më këdo qoftë dhe jo më me Presidentin e Republikës, që ka çrregullime të dukshme të rënda”, tha Rama.
Rama foli gjatë nisjes së procesit të vaksinimit për mësuesit në kryeqytet. Ai tha se gjatë 24 orëve do të ngrihen pikat e vaksinimit të tyre dhe ditën e hënë do të nisë vaksinimi në të gjithë vendin. Mësuesit do të vaksinohen me rreth 38 mijë dozat e AstraZenecas, që Shqipëria mori ditën e premte si pjesë e mekanizmit Covax.
Mbërritja e tyre në vendin tonë në një periudhë kur në shumë vende të Europës janë ngritur shqetësime për efektet anësore të kësaj vaksine ka ngritur shqetësime. Por, Rama thotë se shqetësimet e ngritura në vendet e tjera nuk lidhen me gjitha vaksinat AstraZeneca dhe se Shqipëria ka marrë vaksina të sigurta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje