.png)
Kur rikthimi i tifozëve në stadium në shumë vende duket ende shumë larg, nga Rusia vjen një zgjidhje interesante për popullimin e impianteve gjatë ndeshjeve: vaksinë “Sputnik V” gratis për ata që blejnë biletë.
Iniciativën e ka marrë klubi i Zenitit në Shën Pjetërburg, që me anë të profileve të rrjeteve sociale kë dhënë këtë njoftim: “Vaksina Sputnik V është gati për të gjithë ata që do të jenë të pranishëm në ndeshje dhe që janë mbi 18 vjeç. Ju lutemi, merrni me vete pasaportën dhe kartën e shëndetit, do t’u kërkohet të vizitoheni nga një mjek, i cili do të japë aprovimin për vaksinën”.
The #SputnikV vaccination programme is well underway here at the Gazprom Arena
— FC Zenit in English✨ (@fczenit_en) March 13, 2021
We’ll be offering free vaccinations to supporters at everyone of our home games for the rest of this season! pic.twitter.com/AApj784mCN
Një plan i vërtetë vaksinimi, që ka nisur të shtunën, gjatë ndeshjes me Akhmat Groznin, ku Zeniti fitoi 4-0, dhe që do të vazhdojë gjatë gjithë sezonit. Zeniti do të kontribuojë kështu për përshpejtimin e fushatës së vaksinimit në Rusi. Klubi do t’u ofrojë të gjithë spektatorëve gjithçka që u duhet me anë të vullnetarëve që do të jenë në hyrje të stadiumit. Stadiumet në Rusi dezinfektohen një ditë para ndeshjes.
Sipas tabloidit britanik “Daily Mail”, mesatarja e spektatorëve sezonalë për Zenitin është 17 mijë dhe klubi shpreson që pas propozimit të fundit të shtyjë më shumë tifozë të vaksinohen dhe të mbushin shkallët e “Gazprom Arena”, që ka një kapacitet prej 65 mijë vendesh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje