.png)
Hipoteza për t’i luajtur ndeshjet e Europianit të ardhshëm me dyer të mbyllura, nuk është në tavolinën e UEFA-s. Është një pohim i numrit 1 të institucionit që drejton futbollin europian, Aleksander Ceferin, i cili gjithashtu ka thënë:
“Çdo qytet që do të presë ndeshjet e Europianit në verë duhet të garantojë praninë e tifozëve. Kemi disa skenarë në tavolinë. E vetmja garanci që mund të ofrojmë është se opsioni për t’i luajtur ndeshjet e turneut me stadium të boshatisura, nuk është marrë fare në konsideratë”.
Gjatë kësaj kohe në fakt ka pasur shumë hipoteza në lidhje me Europianin, që sipas programit, duhet të luhet në qytete të ndryshme të kontinentit. Britania e Madhe, një nga vendet që do të presë disa ndeshje të kompeticionit, ka hedhur idenë për zhvillimin e gjithë Europianit aty, duke qenë se deri në verë do të jetë vaksinuar pjesa më e madhe e popullsisë së saj. Dhe kjo nuk është një hipotezë për t’u nënvlerësuar.
Megjithatë, drejtuesit e UEFA-s i qëndrojnë besnikë versionit fillestar, të paktën deri tani. Ceferin mohon zhvillimin e ndeshjeve pa tifozë, por gjithçka do të shihet në vazhdimësi, pasi situata varet direkt nga pandemia që ka mbërthyer globin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje