.png)
Priten goditje të rëndësishme në merkaton e verës nga dy gjigantët e futbollit spanjoll dhe atij europian, Real Madrid dhe Barcelona. Mediet spanjolle kanë zbuluar emrat e lojtarëve që do t’i bashkohen shumë shpejt La Ligës dhe janë emra mjaft të rëndësishëm, problemi është se kush do ta fitojë garën në distancë: madrilenët, apo katalanasit?
Në krye të listës së dy klubeve të mëdha janë emrat e sulmuesit Erling Haland dhe mbrojtësit David Alaba, që të dy në Bundesligë aktualisht, i pari me Borusia Dortmund dhe i dyti me Bajern Mynih.
Johan Laporta, presidenti i ri i Barcelonës, ka premtuar blerje të bujshme, një mënyrë kjo për të garantuar edhe qëndrimin e Mesit te katalanasit. Haland është objektivi kryesor i tij, por për ta veshur me fanellën e Barcelonës duhet të fitojë konkurrencën me Realin, që duket se e josh më shumë futbollistin norvegjez. E njëjta situatë edhe me Alabën, që ka vendosur të largohet nga Bajerni në fund të sezonit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje