.png)
Nuk janë një dhe dy por 54 drejtorë në listën e kandidatëve për deputet në zgjedhjet e 25 Prillit.
ISP shkruan se pas verifikimit të kandidatëve, vetëm dy prej tyre kanë dhënë dorëheqjen. Madje, njëra është vetpezulluar, Dallëndyshe Bici e IKMT-së.
“Kandidatë dhe drejtues të enteve publike! Nga lista e kandidatëve të mazhorancës, vetëm 2 kanë dorëzuar dorëheqjet me dokumentet e kandidimit, megjithatë ende nuk ka njoftim zyrtar nga titullarët nëse ‘janë pranuar’ dorëheqjet e tyre.
Sot dha dorëheqje edhe një drejtor në Fier, por janë më shumë se 54 kandidatë që duhet të japin dorëheqje për shkak të papajtueshmërisë midis postit që mbajnë dhe qenies kandidat zyrtar për deputet.
Që zgjedhjet të ofrojnë standarde më të larta të barazisë në garë, lirisë së votimit dhe ndershmërisë në integritet, nuk mjafton vetëm qenia “proceduralisht” korrekt, do të duhet që legjislacioni të zbatohet në frymë dhe përmbajtje. Ndarja e qartë e pozitës shtetërore me atë elektorale është një prej para-kushteve për standardet zgjedhore”, thuhet në njoftimin e ISP.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje